Last week noong namatay ang Lola ko, naging abala ako sa pagtulong sa burol at lamay. Wala halos akong tulog dahil hali-halili kaming nagbabantay sa Chapel. Ako ang assigned sa mga technical side ng mga gadgets tulad ng lap top at mga component (opo, high tech po burol ng lola ko). Assign din ako sa liturgy, sa pagdadasal ng Rosaryo at sa pagpapraktis ng mga kakantahin sa misa ng libing ng Lola ko. Ito ang dahilan kung bakit halos tatlong linggo ata ako wala updates sa blog ko. Bahagya na ako makatulog. Pero sa loob ng mga araw na nabanggit ko, dito ko rin muli na-experience yung ibang pamahiin pag may patay. Ang pamilya kasi namin ay very religious sa side ng lola ko so hindi kami naniniwala masyado sa mga pamahiin. Although may mga sinusunod ang mother ko pati na mga uncle at aunts ko sa mga pamahiin, pero yung mga kakaiba at kakatawa ay di na nila sinusunod for practical reasons. Tinanong ko mga tiya at tiyo ko sa umpukan sa burol kung sino nagpasimula ng mga pamahiin na yan, ang sagot nila ay ay “matatandang bulaan” sabay tawa sila. Eto yung mga pamahiin na nalaman ko nung burol ng aking pinakamamahal na lola.

1. Huwag daw iiwanang magisa ang labi. Dapat daw at least may isa na nagbabantay o kaya may isa na hindi tulog.

2. Huwag patutuluin ang luha sa salamin ng kabaong. Kung iiyak daw ingatan wag matuluan ang kabaong.

3. Huwag magdadala ng anumang pagkain mula sa burol, mapa-candy o kape.

4. Pagmaglalagay ng Rosary sa kamay ng namatay, siguraduhin daw na ito ay pinatid. Kasi daw baka daw magsunod sunod ang patay sa pamilya.

5. Tatakluban ng anumang tela ang salamin ng bahay ng namatayan pag dito ito binurol para daw hindi magpakita ang namatay.

6. Kung sa bahay daw ibinurol ang patay bawal daw maglinis o magwalis. Dadamputin lang daw dapat ang mga dumi.

7. Bawal daw maligo ang mga namatayan.

8. Sa oras ng libing, hindi daw pwedeng ang mga immediate family ang magtatangal ng mga bulaklak at ribbon sa kabaong. Dapat daw ay ibang tao.

9. Yun daw tinaggal na mga ribbon na may pangalan at aspili, itatapon daw yoon at hindi dadalhin.

10. Bawal magsuot ng matitingkad na kulay sa loob ng isang taon. Dapat daw ay itim, puti at earth colors lang.

Hindi ko alam kung totoo ang mga pamahiin na ito o hindi. Kadalasan naman eh bunga na lang ito ng takot ng mga tao. Pero kung ikaw talaga ay naniniwala sa diyos at kung mamamatay ka na talaga eh walang anumang pamahiin ang maaring makahadlang sa kagustuhan ng Diyos. Yan ang dapat nating tandaan. Dahil kaya namatay si Kristo sa Krus ay para mapagwagiaan at magapi ang kamatayan. Siguro naman, kahit sinong tao na namatay, walang may gusto na ipahamak pa nila ang kanilang mga mahal sa buhay.