Aray ko! sa taytol pa lang mukhang madami nang tatamaan sa post na to. Pero ang totoo nyan I really don’t go to friendster that often. Actually since my signing up on 2003 for my Friendster account, I haven’t really used it that often. Sometimes pag trip lang nag momodify ako ng profile ko dahil noon gusto ko talaga magkawebsite ng sarili. Eh dahil nga sa mangmang pa ako at hindi ko alam na pwede naman pala gawin yun sa blog eh yung friendster account ko ang pinagdidiskitahan ko. Nakalock naman ever since ang friendster ko kaya wala lang, kahit ano gawin kong racket sa profile ko eh ayos lang kasi ako lang naman at kaunti ng mga friends ko ang nakakakita. Pero nung 2005, nagsimula na ako mainis sa friendster dahil minsan ang hirap buksan, minsan pahirapan pa magupload ng pics kasi nga clogged ang system. Ang isa pa sa kinabuwisit ko sa Friendster na yan ay yung may nagbabasa ng blog mo pero di naman nagcocomment. Di mo tuloy alam kung pinagtatawanan ka na o nakikidalamhati sila sa sinusulat mo. At simula noon dumalang na ang pagpunta ko sa friendster. Pumupunta lang ako pag nakakareceive ako ng notification from it that I have a new comment, message o friend’s request.

Actually suplado ako sa friendster. Di ako basta basta nag a-add ng di ko naman kakilala. Kasi nga very private person ako. Ayoko na nakabuyangyang ang mga private details ko sa mga taong iaadd lang ako dahil sa gwapo ako sa pic ko (48 years ago haha) o di kaya naman eh naiintriga sa pangalan ko na “aRMY pOGi” sa profuile ko, na kadalasan ay nabibigo sila haha. Till now di makaalis alis sa 188 ang number ng friends ko at minsan pa nga nababawasan (dedma haha). Kung ako nga masusunod eh gusto ko sana kaunti lang ang friends ko dun dahil sa totoo lang halos 1/3 naman doon ay di ko pa namemeet ng personal.

Pero nito na lang, lalo ako naasar sa friendster. Kasi nga bukod sa sira at tinotopak ang profile ko, kadalasan error pa pag nagsesend ako ng message, nagpopost ako sa bulletin o di kaya naman ay nag aapprove ng mga friend’s request. Patimbanga ang tyambahan kung mag add ako ng friend’s kasi nga may topak ang friendster. Sira ang profile ko. kaya wala ako magawa kungdi antayin kung kelan maaayos ang friendster ko at iapprove ang halos 58 friend’s request na naka pending. Di ko naman makuhang idelete ang old account ko kasi may mga testimonies doon na very sentimental para sa akin. Pumupunta lang ako sa friendster ko pag may gusto akong ipabasa sa mga friends ko dito sa blog ko na pinopost ko minsan ang link sa bulletin.

Pero kaninang umaga humagalpak ako ng tawa kasi may nagforward sa akin sa email ko ng mensahe tungkol sa pagiging KSP sa friendster. Di ko tuloy maalis sa isipan ko yung mga taong tatamaan nito. Kaya minabuti ko na ipost ito. sayang din kasi na pang-in between sa Ka Pepe haha. Gusto ko lang klaruhin na di sa akin nag-galing ito at ni repost ko lang ito mula sa email na pinadala sa akin. Truth hurts pero sabi nga, acceptance is the first step to maturity. So kung isa ka sa mga ito, walang personalan, Ka Pepe lang haha.

“KSP KA BA SA FRIENDSTER?

Eto ang mga sintomas para malaman mo kung ikaw ba ay nagpapakita ng pagiging KSP sa frinedster:

• Nagpopost ka ng sangkaterbang bulletin na iisa naman ang sinasabi at paulit-ulit lang. Timano hindi mo pinagbibigyan ang iba para namana maka sangat sa limang slot ng bulletin sa profile.

• Gusto mo ikaw lang ang mapapansin sa friendster kaya naman kuntodo ang post mo ng bulletin kahit ito pa ay sa araw araw na ginawa ng dyos ikaw na lang ang naglalagay doon.

• Nagrerequest ka to view their “private photos” kahit di naman kayo close.

• Nagiistok ka sa mga friends mo. Tinitingnan mo kung may picture ba ang dati mong BF kasama ang new GF nya, kung lumakad ba ang barkada na di ka naman kasama o may picture ng birthday party na di ka inimbita. Dinaig mo pa ang Stalker ni Paris Hilton. Komunsulta ka sa doctor at paranoid ka.

• Feeling mo blog mo ang bulletin at laging ang haba ng mga mensahe mo dun na pwede mo namang isulat sa private messaging.

• nagpapapicture ka ng solo o di kaya naman pinipikturan mo ang sarili ng nakatingala, nakatagilid, nakatakip ang buhok, nakabelat, nakatitig ng masama o kung ano mang angulo na inaakala mong kyut ka

• Nagmemessage ka sa bulletin para sa isang tao lamang. Mabuti sana kung Grupo kayo at malawakan ang paguusap. Ngunit kadalasan Ginagamit mo ang bulletin sa pagbati ng happy birthday sa isang tao o di kaya naman ay pagsagot sa kanyang mensahe. Inaakala mo na astig ito pero ang totoo nyan, pinagtatawanan ka ng friends mo. Kaya nga may inbox eh! At kaya nga tinawag ito na bulletin eh hango sa bulletin board!

• Wala ng ibang mukha na nakikita ang tao sa bulletin kungdi mukha mo na naka sideview at nakatingala sa camera.

• kahit alam mong di ka pa mamamatay ngayon eh pinapatulan mo ang kung ano anong sumpa at banta sa bulletin kaya naman ipinapasa mo ito ay pinopost uli, tapos babaguhion ang title para lang masabi na “in” ka

• research ka sa library at sa mga lumang libro tapos magpopost ka sa shoutout ng kung ano-anong quotes na kadalasan hindi mo naman alam ang ibig sabihin. Kalimitan pa nga, mas malalim mas patok kahit nosebleed ka na sa paghahanap at pagintindi dito. Ang nakakalungkot, di naman nakikita sa buhay mo ang mga pinagsasasabi mo sa shoutout mo!

• Magfoforward ka ng mga peke na messages na nagsasabing malapit na magsara ang friendster kahit pa ito’y umuso na limang taon na ang nakakaraan, mapansin ka lang.

• babaguhin mo ang iyong pangalan na wala namang katuturan para lamang matingnan ng friends mo ang profile mo upang alamin kung sino ka bang talaga.

• Papapicture ka na kung ano ano ang hawak at suot para lamang may mailagay ka sa primary photo at masabing ikaw ay astig. Mas weird, mas takaw pansin haha.

• Wala kang umay sa pagsasagot ng survey sa bulletin kahit alam mo namang walang nagbabasa at walang pakielam ang tao sa mga gusto mo at mga sagot mo

• Ipopost mo lahat ng accounts mo sa internet sa profile mo mula sa myspace, imeem, multiply, xanga, youtube at kung anik anik

• Ipinagkakalandakan mo ang iyong numero ng celphone iniisip na kokontakin ka ng ibang tao kahit hindi naman sila interesado sayo.

• Hindi nawawala ang profile mo sa mga updates sa homepage at palagi ka naka login 24 hours

• Hindi mo nilolock ang profile mo at hinahayaang nakabalandra para makita ng iba ang profile mo kahit ang litrato mo ay hindi naman kaaya-aya.

• Silip ka ng silip sa kung kani-kaninong profile at kiniclick mo lang yung magaganda at gwapo

• Add ka ng add ng kung sino sino kahit di mo kakilala masabi lang na madami kang friends

• Nagiiwan ka ng mga comments na nagki-kintaban, nagi-ilawan ang nagnining-ningan na kadalasay mas malalaki pa ito sa wallpaper pero wala namang ibang mensahe kungdi “thanks for the add” and “have a nice day”.

• ipapa blowup mo sa photoshop ang mukha mo tapos ito ang ilalagay mo sa comments ng iba haha

• Nagtataka ka kung bakit di nagrereply ang mga friends mo sa mga messages na iniiwan mo sa kanila, yun pala blinock ka na nila kasi ang kulit mo.

• At kahulihan, biglang mababawasan ang bilang ng friends mo, hahanapin mo tuloy kung sino ang nawawala, kasi dinelete ka na sa friendster nila, KSP ka kasi haha.

Ang friendster ay ginawa para makipagusap at makipagugnayan sa mga kaibigang malalayo at matagal ng di nakikita, hindi para gawing lugar ng pagmamayabang at pangungulit sa iba. Dahil hindi naman lahat ng kaibigan mo ay kasing KSP mo!

One word is enough for a wise man. Gamitin ng tama ang bawat bagay ayon sa pagkalinang nito.

Ooops Bato Bato sa langit ang tamaan ay Pikon haha